Армиите на Јужна Кореја и Соединетите Американски Држави денеска спроведоа масовни воени вежби во близина на границата со Северна Кореја.
Првата од петте рунди воени вежби на сојузниците до средината на јуни се одржува на 70-годишнината од воспоставувањето на воениот сојуз меѓу Сеул и Вашингтон.
Северна Кореја вообичаено одговора на ваквите големи вежби на Јужна Кореја и САД со тестирање на проектили и друго оружје.
Вежбите на САД и Јужна Кореја, наречени „Комбинирани вежби за уништување на огнената моќ“, се најголеми од ваков вид.
Двете земји одржаа вежби 11 пати од 1977 година, соопшти Министерството за одбрана на Јужна Кореја.
Официјални претставници на Министерството рекоа дека овогодинешните вежби вклучуваат напредни стелт-борбени авиони, нападни хеликоптери, тенкови и повеќе ракетни системи од Јужна Кореја и САД.Во вежбите учествуваа околу 2.500 војници.
