Осомничениот за масовното убиство кај Младеновац, дваесет и едногодишниот У. Б. бил уапсен во местото Грошница, обидувајќи се да побегне во Крагуевац, јави дописникот на МИА од Белград.
Весникот Политика од селаните во околината на Младеновац дознава дека мајката на напаѓачот живее во Крагуевац, па тој се обидел да стигне до тој град.
Според неофицијалните информации што ги доби овој весник, У. Б. киднапирал таксист кај Младеновац и му се заканил дека ќе го убие ако не го однесе во Крагуевац.
Како што дознава, У. Б. извадил бомба и му се заканил на таксистот дека ќе го разнесе.
У. Б. е уапсен при обид за бегство во местото Грошница кај Крагуевац. Застрелал осум лица, а ранил 14, од кои две лица се во критична состојба.
