Решавање на техничките бариери во трговијата, усогласеност со синџирот на снабдување, следливоста и транспарентност на синџирите на снабдување со фокус на „деризикување на синџирот на снабдување“, се клучните цели на Меморандумот за соработка што го потпишаа Сојузот на стопански комори (ССК) и Meѓународниот центар за трговија (ITC).
Како што информира ССК, ITC активно развива систем фокусиран на вештачка интелигенција наречен „Напредна анализа на податоци и моделирање за податоци за надворешна трговија“ (ADAMftd) кој ќе користи милијарди историски и трговски податоци во реално време за да ја предвиди иднината на трговијата, а бизнисите ќе имаат пристап до податоците за клиентите и конкурентите, вклучувајќи ги платените цени, историјата на трансакциите, податоците за понудата и побарувачката и можностите за предвидување, за да одговори на овие предизвици. По завршувањето на првата фаза од развојот на ADAMftd, ITC планира да направи приоритетна инвестиција во Македонија.
-ITC го препознава растечкото економско значење на Македонија како важен центар за синџирите на снабдување, можноста за моделирањето и автентикацијата на синџирот на снабдување. Сојузот на стопански комори прв во регионот се приклучува кон Меѓународниот трговски совет кој за компаниите е одлична можност за проширување на својот глобален досег и да ги зголемат своите меѓународни трговски можности со новите глобални прописи и можностите за отворени пазари за трговија, вмрежување и конекции со потенцијални партнери, наведува ССК.
На состанокот на кој беше потпишан Меморандумот за соработка присуствуваа претседателот на ССК Трајан Ангелоски, потпретседателите Сашо Дукоски и Горан Ѓорѓиевски, Загорка Блажевска, директор на „Вита Нова“ и Тристан Еванс, заменик претседател на ITC. Видео обраќање имаше и Џејмс Семјуел Јорк, главен извршен директор на ICTTM (The International Centar of Trade Transparency Limited).
