Претседателот Пендаровски денес оствари средба со делегацијата на ад-хок комисијата на Парламентарното собрание на Советот на Европа за набљудување на претседателските и парламентарните избори, кои претстојуваат во предизборна мисија во земјава.
Било разговарано за текот на подготовките на претстојните претседателски и парламентарни избори и за очекувањата од изборниот процес.
„Неопходна е максимална професионалност од страна на државните институции и политичка коректност и зрелост од страна на сите инволвирани политички субјекти, со цел да имаме фер и демократски избори како што доликува за земја членка на НАТО и земја која претендира да стане членка на Европската Унија“ изјави Пендаровски по средбата.
