Хамес Родригез е близу до трансфер во шпанскиот фудбалски прволигаш Рајо Ваљекано.
Колумбиецот веќе пристигна во Мадрид, каде очекува комплетирање на трансферот.
Минатата сезона Хамес играше за Сан Паоло. 33-годишниот играч од средниот ред го раскина договорот со бразилскиот клуб и ќе се префрли во новата средина како слободен агент.
Во Шпанија, Родригез играше за Мадрид Реал. Настапи на 125 натпревари за „Кралевите“, постигна 37 голови и 42 асистенции.
