Во издание на издавачката куќа „Трето уво“ беше промовирана монографијата „Магични македонски знаменитости“ или Magical Macedonian Sights. На промоцијата се обратија првиот човек на издавачката куќа Трето Уво и Министерот за култура и туризам, Зоран Љутков. Иво Јанкоски во својот говор се осврна на значењето на едно вакво издание за Македонија и дека после десет години ова е прво издание од овој вид. Министерот за култура и туризам, Зоран Љутков, истакна дека книгата не претставува само визуелна разгледница, туку и сведоштво за едно културно патување низ богатствата на Македонија. Станува збор за луксузно двојазично издание кое ја прикажува земјата преку археолошки локалитети, национални паркови, музеи и духовни светилишта. Во монографијата место имаат и современите урбани центри, винарниците и спортско-рекреативните дестинации кои ја прикажуваат Македонија како атрактивна туристичка дестинација. Според министерот Љутков, секоја страница е покана повторно да се открие магијата, вкусовите и мирисите на земјата. Книгата беше оценета како репрезентативен подарок за туристите, кој остава траен впечаток и поттик за повторно враќање.
© Developed by PROCESS IN. Hosted by INHOST.