Стопанската комора на Северна Македонија и Амбасадата на Финска денеска во Скопје организираат бизнис форум по повод 30 години дипломатски односи меѓу двете држави.
Со цел унапредување и интензивирање на економската соработка, на бизнис форумот ќе биде презентирана бизнис климата во Финска, како и можностите за соработка, а ќе се реализираат и билатерални средби помеѓу компании од двете земји за воспоставување директна деловна соработка.
Најавени се обраќања на вицепремиерот за економски прашања Фатмир Битиќи, финскиот амбасадор Кимо Ладеверта, потпретседателот на Стопанската комора Зоран Јовановски и почесниот конзул на Финска во Северна Македонија, Светозар Јаневски.
