САД денеска соопштија дека воведоа нови ограничувања за патување на граѓаните на Унгарија поради загриженоста за автентичноста на пасошите на таа земја.
Амбасадата на САД и владин претставник соопштија дека околу милион странци на кои им биле одобрени унгарски пасоши во текот на девет години не поминале доволно строги проверки на идентитетот. Ограничувањата се однесуваат на американската програма за укинување на визите, која им овозможува на сопствениците на пасоши од 40 земји да ги посетат САД поради работа или туризам без визи до 90 дена.
Периодот во текот на кој носителите на унгарски пасоши можат да патуваат е намален од две на една година и тие ќе можат да влезат во САД само еднаш.
Висок официјален претставник на американската Влада рече дека промената следи по повеќегодишните неуспешни напори на САД да соработува со унгарската Влада за решавање на безбедносните проблеми.
